شمعة منورة
يا شمعة رايحة وجاية
حلوة بنور رباني
ماشية نهارك قايدة
بجمال فرس عجباني
وحمام على البنية
أصلي ومش براني
حركات دلال .. ملاغية
شاغلة تمام وجداني
يا مهمشة توبك
والصنعة غزلاني
يا ام العيون قتالة
والحسن ناداني
والشعر فك لجامه
حصان رقص غواني
رأفة بقه بيا
يا بنت شرقاوي
أصل الجمال ده عسل
على قشطة هز كياني
حنان وخفة ودفا
خابو بنات الغاوي
ضحك عليهم شيطانهم
نبدأ كمان من تاني
