ساكن جوه القلب
ساكن جوه القلب وقاعد
أصل الحب مفيهشي قواعد
همساته بتخش القلب
من غير لو حتى بتتواعد
بتهفهف ع القلب الطيب
والعقل لقلبي كان حاسد
وبنشوة فرحان وهايم
وأتاري للحب سواعد
هتشيله على كف الراحة
وبتنفخ في القلب القايد
هو صحيح العقل بيرفض
فاجئ قلبه بسهمه النافد
حَط جوايز جوه الدم
بيأكد على حبه الواعد
جَرْي شالتها كراته الحمرا
قالت والله بـحب يا سمرا
والمذكور لمناعته ده فاقد
يللا هم وحب يا قلبي
أنا فرحان لك قوي مش رافض
هو هيبقى حبيب القلب
ساكن جوه القلب وقاعد
