ضربة أسُود
النصر كان أكتوبر
و سته يوم مشهود
أسود معاها ملايكة
مع تكبيرات وحشود
المصري عمره مقاتل
أفعاله ثابتة وجود
أمانة يا من تعادي
أولها جهز لحود
نحط فيها أشلاءك
لو عدت يوم موعود
أو حط نجمة فـ ضهرك
تبقى دليل مفقود
اكتب عليها ظالم
بريء منك داود
تارخك كله غدر
والظلم ماله حدود
ساعدك بنكران حق
الفيتو عنده شهود
النار في أكتوبر
لوجوه صحاب أخدود
مارد دا هب ودمر
ويومكو زي ثمود
أخويا مسح الخط
حطم كلام نمرود
وجابله خطه الأرض
بعد اما كان مشدود
يشهد في وقت نزال
بطل بنور ممدود
الله يرحم عبعاطي
براهيم عبعال موجود
والمصري كان شرقاوي
غابة وجوة أسود
غيرهم وياما كتير
مسعد سعيد مسعود
دا للرجال مواقف
شوف فيصل آل سعود
له منا كل الحب
والفعل كان محمود
تحية للأبطال
أصل التحية ورود
يا ولادنا عيشو نهار
انتم في يوم مشهود
أدب وجد وعمل
حتما في يوم هنسود
